LAST UPDATE : 17 - OCTOBER - 2018 { बुधवार }

ક્લાસ-૩ના ફિક્સ પગારદારો માટે પ્રમોશનની કાર્યવાહી શરૂ

ગાંધીનગર, તા.૨૦
ગુજરાત સરકારના તમામ વિભાગો, જિલ્લાઓમાં ફિક્સ વેતનદારોમાં ક્લાસ-૩ના કર્મચારીને પ્રમોશન આપવા સામાન્ય વહીવટ વિભાગે આદેશ કર્યો છે. તેના માટે પ્રવરતા યાદીઓ તૈયાર કરી રહેતા વિભાગોને ફિક્સ વેતનદારોના પાંચ વર્ષ કે ત્રણ વર્ષ જેવા કાર્યકાળનો પણ સિનિયોરિટીની ગણનામાં સમાવેશ કરાશે. જેનો ઉલ્લેખ અજમાયસી કાર્યકાળ તરીકે થશે.
સરકારી તંત્રમાં ઉપલી કેડરોમાં વ્યવસ્થા સંચાલન માટે સિનિયર કર્મચારીઓની અછત છે આથી, ફિડર કેડરોમાં પ્રમોશનની પ્રક્રિયા ફટાફટ પૂર્ણ કરવા પ્રવરતા યાદીઓ તૈયાર કરવામાં આવી રહી છે. સામાન્ય વહીવટ વિભાગમાં ઉપસચિવ ભરત ત્રિવેદીની સહીથી પ્રસિદ્ધ ઠરાવમાં કરાર આધારિત ફિક્સ પગારથી નિમણૂક મેળવનારા કર્મચારી સરકારી સેવામાં જોડાયા તે તારીખ અને સ્પર્ધાત્મક પરીક્ષમાં મેળવેલા મેરિટને ક્રમ અનુસાર પ્રવરતા એટલે કે સિનિયોરિટીક્રમ ગોઠવવા સૂચનાઓ અપાઈ છે. નાણાવિભાગની વર્ષ ૨૦૦૬ની ફિક્સવેતન નીતિ અન્વયે અને વર્ષ ૨૦૧૨ અથવા તે પહેલાની બેચમાં નિમણૂક મેળવેલ હોય અને તેમનો કરારીય સમયગાળો પૂર્ણ થયો હોય તેવા કર્મચારીની સાથે જેમનોે સમયગાળો પૂર્ણ થઈ રહ્યો હોય તેમનો પણ પ્રવરતાક્રમ નક્કી કરીને વિભાગીય વડાઓને પ્રમોશન માટે દરખાસ્ત મોકલવાની રહેશે. CLIK HERE